وزير الدفاع
مجموعتي الرابعة (تلاتين سنة) بقلم د/ خالد الشريف
النص العاشر
10-(وزير الدفاع)
لم تكن خبرته مع المباريات التي تقام في الفجر بسبب فارق التوقيت مع مصر جيدة ، آخر مرة نام وقرر ألا يسهر من أجل مباراة مصر والسعودية في كأس القارات لكن أخوه أبى إلا أن يعكنن عليه فأوقظه في الفجر الخامسة تقريبا من نومه العميق وقال له :
- خسرنا من السعودية 1-5
- مين ؟
-إحنا !
-إحنا مين ؟
- إيه اللي إحنا مين ! إنت لسه نايم ولا إيه ؟
احنا منتخب مصر و الحكم طرد مننا لاعبين
- طيب يا أخي خسرنا وخرجنا بتصحيني ليه؟ ماتسيبني يا أخي !
قام من مكانه ليشاهد المرحوم الكابتن عبده صالح الوحش وكانت آخر مرة يشاهده في استديو تحليلي وهو يقول :
- طب إحنا كنا بنقول الجوهري وزير الدفاع ده النهاردة المنتخب كان لادفاع ولا هجوم
كانت أيامها حقوق البث مازالت مع الإيه أر تي ART وكانت غالباً تنتهي المفاوضات معها بالاتفاق على نقل مباريات مصر علي القناة الثانية و قناة النيل للرياضة سوبر التي كانت مشفرة مع شبكة الأوائل بينما كانت قنوات النيل للدراما و الرياضة والمنوعات يمكن فتحهم علي كارت المصرية للأقمار الصناعية بكارت فك شفرة بإيصال كهرباء و60 جنيه مدى الحياة لو عندك ريسيفر بكامات
في الصباح تمت إقالة الجوهري واتحاد الكرة كله استقال أو أجبر على الاستقالة🙂
فقال لأخيه : يعني لازم تصحيني كنت سبني أقوم آخد الصدمة واحدة واحدة من الجرائد وأهي سياسة المسكنات اشتغلت بخبر الإقالة
- تفتكر هيجيبوا مكانه مين
- هيكون مين لما بيشيلوا سمير زاهر بيجيبوا يوسف الدهشوري حرب 😃
- لا قصدي الجوهري
- هيكون مين لما بيشيلوا الجوهري بيجيبوا مدرب أجنبي 😄
- طيب بس بالله عليك ماتصحنيش تاني في الفجر إنت عارف عقدتي
-صلاة الفجر ؟
- آه
-ربنا يفكها عليك
تمت
تعليقات
إرسال تعليق