دريم والمحور
مجموعتي الرابعة (تلاتين سنة) بقلم د/ خالد الشريف
النص الرابع عشر
14-(دريم والمحور)
لم يتمالك نفسه من الضحك على سؤال أخيه الساذج لعم حمدي فني تركيب الدش وهم فوق سطوح العمارة لتركيب الطبق وكان السؤال الساذج:
- الطبق ده فيه كم قناة؟ 😀
حيث جاء أخوهم الأكبر بطبق مكتوب عليه الأوائل وأحضر لهم ريسيفر أنالوج قديم من نوعية وينر سات من شقته في العجمي بعد تغيير ملامح الريموت خوفا من أن تكشف زوجته الأمر 😀
وبعد معاناة مع أصحاب المنزل أحضروا مفتاح السطوح وطلبت منهم الحرباء أن يعملوا حسابها في الفرجة فوعدوها وقفوا لتركيب الدش الذي تكلف ألف جنيه بعد أن انتشر وكان زمان يتكلف عشرين ألف جنيه؛ ثم طلب منهم عم حمدي أحضار مونة ( اسمنت ورمل ومياه) لتثبيت قاعدة الطبق في أرضية السطوح فسأله أحدهم: ما الداعي ألا تكفي البراغي للتثبيت؟
- هتثبت البراغي في إيه؟
-في البلاط
-والبلاط ده تحته إيه؟
-تحته رمل
- يبقى إنت مثبت الدش في إيه؟
-شوية رمل
-شفت
- عندك حق
طلب منهم تصعيد تلفزيون لضبط القنوات عليه ففعلوا
تم ضبط قنوات النايل سات نزلوا جميعا للاحتفال والتقليب في القنوات فلم يجد قنوات ممتعة وهو جالس يذاكر في أول طريق الدراسات العليا سوى دريم والمحور أول قناتين خاصتين مصريتين وقناة أبوظبي كانت تقدم فيلم أجنبي في المساء وقناة اسمها الأندلس وقناة اسمها تميمة متعة التسوق عبر التلفزيون والقناة الفضائية المصرية اللي كانت نسخة من القناة الأولى وكانوا شبعانين من القناة الأولى فلم تسترعي انتباههم
بعد قليل دخل أخوهم الأكبر وقال
-زوجتي جاية كمان شوية لو سألت هو ده الريسيفر بتاعنا الوينر سات اللي كان في العجمي تقولوا لأ فاهمين؟
كلهم في نفس واحد
-طبعا فاهمين 😀
تمت
تعليقات
إرسال تعليق