آخر الخط
مجموعتي الرابعة (تلاتين سنة ) بقلم د/ خالد الشريف
النص الثالث والعشرون
23-(آخر الخط )
كانت نظرته لتتر هو وهي كنظرته للفوازير لكنه علم أن البطلة سندريللا لم يكن يعرف أنها في آخر الخط وأن لها أفلام قديمة ولم يكن يعلم أنها لم تستكمل تصوير الحلقات سجلت عشر حلقات فقط وتبقى خمسة آخرين في الأدراج حتي الآن بسبب خلافات بينها وبين النجم الأسمر الذي يشاركها البطولة
لكنه كان ينتظر كل حلقة كهلال العيد رآها جميلة مبتسمة ذكية الأغاني شدته خاصة جرس الفسحة
ورأى الفتى الأسمر بجوارها يستغل نجوميته التي بدأت تلمع في السينما ولم يكن ينجح في إقناعه بالتمثيل في التلفزيون سوى هذا المخرج العالمي الراحل يحيى العلمي لكنه كان يراها نجمة عادية حتى دار هذا الحوار بينه وبين أخته :
-معقولة هي بتمثل من زمان؟
-إنت عمرك ماسمعت الاسم ده قبل كده ؟
- لا ما افتكرش
-لا سمعته
- مش فاكر امتى ؟
- إنت مش سمعت معانا مسرحية العيال كبرت ؟
- اه كانت من غير مونتاج الرقابة هي دي اللي كانت أخت سلطان ؟
- لا دي اللي كان مهووس بصورتها الواد عاطف
-اه أيوة أيوة افتكرت دي فعلا مشهورة
-مشهورة بس هي وشادية وفاتن حمامة مش هيتكرروا
خلاص ياعم حول على فيلم السهرة
-ايه ده مين دي ؟
-الشحرورة
-وده أعرفه الفتى الوسيم اللي كان بيخللي باله من زوزو
-أيوة ماهي دي زوزو أديك افتكرت
-لكن بيعمل إيه هنا مع الشحرورة ؟
-بيخونها في ليلة بكى فيها القمر
-ما شاء الله أكيد عملت أفلام كتير بعدها ؟
- لأ للأسف ده برضه كان آخر أفلامها سنة 1982
-برضه آخر الخط
ماتشوف لنا ياعم واحدة تكون في أول الخط ؟
-طب هات الفوازير
-خايف أقولك مين البطلة تزعل !
-إيه مين ؟
-يووه الخاطبة !
يصرخ في أخته يووه بره آخر الخط
إقطعي الخط
ترد عليه بسخرية هو الخط مقطوع خلقة
والتليفونات عطلانة 😅
تمت
تعليقات
إرسال تعليق