حاجات ومحتاجات
مجموعتي الرابعة (تلاتين سنة) بقلم د/ خالد الشريف
النص السادس والأربعون
46- (حاجات ومحتاجات)
لم يكن يشاركه في حبه لمشاهدة فوازير (حاجات ومحتاجات) سوى ابن خالته (هادي) ولأسباب مختلفة هو كان ينتظر تتر البداية والنهاية بل ويسجله على الكاسيت الباناسونيك الذي نجح حنتوف أخيه في إقناع أمه بشرائه بمكافأة الامتحانات 😂وكان حديث الشارع وقتها وهادي ابن خالته كان يحبها لأن تصميم الرقصات كان على نظام رقص الراب الأجنبي وكان هو مهووسا بكل ماهو أجنبي فكان يجلس لينتظرها كل يوم عقب الإفطار رغم الهجوم الذي كانت تتعرض له نجمة الفوازير آنذاك
وبعد انتهاء عرض الحلقة كان يستمر أمام التلفاز كي يشاهد مسلسل أو مسلسلين على سبيل التسلية فيأتيه النداء المقدس من أمه:
- ياللا ياللا كل واحد على مذاكرته إطفي التلفزيون ده
فيرد عليها:
-إنتي مش هتقعدي تتفرجي على المسلسل الأجنبي الجرئ والجميلات؟
فترد عليه أمه:
- لأ أعلنوا إنهم في رمضان هيجيبوا منه حلقات مجمعة في سهرة يوم الاثنين فقط من كل أسبوع
وبعدين إنت هتحاسبني؟
-أنا مش عارف أركز في المذاكرة في رمضان
- إنت من ساعة ماجبت درجة منخفضة في الفيزياء مش عاجبني رغم إنك بتاخد درس
- ماحضرتك كسفتي المدرس وقلتي له معنى ان حامد ياخد 13 بعد مايدخل الدرس وكان واخد قبل الدرس 14 يبقى هو بيتأخر معاك مش بيتقدم 😂!!!!
-بالضبط عشان كده إتعدل وإداك درجة عالية الشهر اللي بعده
- ياماما دي تانية ثانوي مش شهادة يعني
-لأ مهم إنت تأسس نفسك للثانوية العامة
-طيب أشوف مسلسل واحد؟؟
- لأ يعني لأ إتفضل
قام من مكانه ليجلس على مكتبه المصنوع من الخشب الحبيبي والمغطى بألواح من الفرومايكا والمسنود على الحائط لأن أرجله مفككة ومتهالكة لكنه صامد وعليه أباجورة معدنية زرقاء تكهرب كل من يلمسها وكتاب المعاصر وكتاب لامي وكتاب بيت باي بيت الذي كان يذاكر فيه من وراء عم عبد المجيد مدرس الإنجليزي الذي حضر ليعطيه الحصة وقت صلاة التراويح فقال له
- مش هنروح نصلي التراويح ماتغير المعاد ده يامستر؟
-قال له: بص ياحامد إحنا كل موحدين ومتدينين مش إنت لوحدك لكن إنت عندك دروس ومذاكرة والعشاء ممدودة لحد الفجر
-طيب خلاص خلاص مش هنشوف تلفزيون ولا نصلي ولا فيه قمر الدين اللي بحبه ده رمضان ايه ده 😂
بدأ الدرس وبدأ عم عبد المجيد أسئلته التي لاتنتهي على مسامعه محاولا معرفة أسرار البيت 😂
قام من مكانه ليحضر كراسة الواجب من على مكتبه المجاور للشباك فوجد ماهيتاب جارتهم بتنزل خطاب حب لحبيبها ابن صاحب محل القمصان اللي على أول الشارع وهو جالس في سيارته الميتسوبيشي متأملا وطامعا
فقال: حتى إنتم مابتهمدوش في رمضان!
ده صيام إيه ده 😂!
اللهم إني صائم...... عن المذاكرة
تمت
تعليقات
إرسال تعليق