غزالي
مجموعتي الرابعة (تلاتين سنة) بقلم د/ خالد الشريف
النص الخامس والتسعون
95- ( غزالي )
كانت مذكرات حامد رغم سذاجتها وبساطتها إلا إنها كانت قماشة لاستخراج
قصاقيص درامية عديدة :
(كانت الأيام التي تعين فيها حامد في الحكومة في مطلع الألفية عام
2000 بالتحديد لم يكن منسجم مع المؤسسة التي جاء حظه للتعيين فيها لكنه لم يرفض
التعيين كان عليه أن يقابل الأخطبوط بيه رئيس القسم الذي تم توزيعه عليه ، كان
الأخطبوط بحيري بطبعه 😊 فكان يأتي ثلاث أيام فقط للمؤسسة من مسقط
رأسه دمنهور ويبدو أنه كان شغال هناك وحين سألت لماذا ينصرف عن المؤسسة أيام
الأربعاء والخميس وهناك من يوقع له حضور والسيد وكيل الوزارة يعلم ذلك علم اليقين
لكنه عارف وساكت قالوا لي السبب :
-يبدو أنه شغال سمسار عقارات في دمنهور يشتري
شقق ويؤجر عمارته التي ورثها عن أبيه وهكذا فيتواجد هناك أربعاء وخميس وفي بعض
الأحيان يغيب السبت أيضاً ؛ إذا كان حجم الشغل هناك يستدعي ذلك
قلت : لا بأس أنا بقى طول فترة الصيف مش هآجي
غير أربعاء وخميس وسبت عشان ما أشوفش وشه العكر فالكل بيشتم فيه من خلف ظهره رغم
إني لا أعرفه لكن كان اللقاء معه ثقيل للغاية على قلبي
محمد زميلي نصحني أن آتي يوم الأحد أو
الاثنين كي أقابله
قلت له : شريط حميد الجديد (غزالي ) مزل عايز
أروح اجيبه وأسمعه
محمد : غزالي إيه ؟ بأقول لك شغل ورئيس القسم
لاظم يشوفك تقول لي شريط غزالي ؟
حامد : يا عم شريط حميد الشاعري الجديد أهم
إنت عارف أنا مهووس بحميد بحبه جدا إتربيت على أغانيه وبعدين أي شريط لحميد أهم من
القعدة مع الأخطبوط
محمد : وإنت لسه شفته ؟
حامد : لأ ومش عايز أشوفه
تتدخل في الحوار الغندورة وقد كانت أول مرة
أشوفها :
الغندورة : بس إنت كده كده لازم تقابله علشان
يوقع على إقرار استلامك للعمل وهو ما بيجيش النهاردة الأربعاء !
حامد : أهلا وسهلا مش نتعرف الأول ش تعرفني على الزميلة الفاضلة يا محمد :
محمد : حد ما يعرفش الغندورة أخر واحدة
اتعينت قبل مانت تيجي تشرفنا
حامد : أهلا وسهلا حضرتك فيكي شبه من
السنكوحة !
الغندورة : إيه ؟؟
حامد : أقصد السنيورة زوجة أخي الكبير ناصر
الغندورة : تشرفنا
حامد : سيبيني كده أعمل محاولة أخيرة
الغندورة تنظر لمحمد بتعجب ولسان حالها عايز
يقول : إيه العبيط ده بأقول له رئيس القسم مش موجود هيدور عليه فين هيروح له
دمنهور ؟ 😊
كان ألبوم غزالي آخر الألبومات المحترمين لم
تعجبني أغنية غزالي فيه لكن أعجبتني أغنية أقبل عشان اللي بأحبه ، ومن عيونك من
رموشك ياما جرى لي ولم يصدر بعدها حميد ألبومات أخرى مع انتهاء عصر الكاسيت سوى
ألبوم (روح السمارة) عام 2006 والذي تزامن أيضاً مع مناسبة أخرى وهي زفافي 😊 وللحديث بقية إن كان في العمر
بقية..........
_____________________تمت_____________________
تعليقات
إرسال تعليق