ليست كلها أوهام ليست كلها حقائق
مجموعتي الرابعة ( تلاتين سنة) بقلم د/ خالد الشريف النص السادس وخمسون بعد المائة 156-(ليست كلها أوهام ليست كلها حقائق)
كان جزء من جام غضب حامد الذي ألقاه على والده سببه أنه يرى أنه كان يستحق حياة أفضل يعيشها وتقدير أكثر يحصل عليه لم يكن يعرف أنه سيرحل سريعاً لقد كبر حامد وجد والده بعيد وحين عاد وجد رجل عجوز أبيض الشعر والقلب صحيح لكن المسافة بينهما كانت كبيرة وتزداد مع الأزمات والضغوط الاقتصادية )
شعرت أني أخطأت في موضوع شريط فيديو رسوم كهف لاسكو فذهبت إلى بابا واعتذرت فتقبل اعتذاري وحكى لي عن طالب دراسات عليا عنده في الكلية اسمه محمد موسى عبد الودود موهوم بنظرية المؤامرة الكونية الكبرى التي تحدث من حولنا وتحاك لنا والمحفل الماسوني وهذا الكلام أنا ضحكت لأني وقتها لم أكن أعرف ماهي نظرية المؤامرة
- تصدق يا حامد إنه أعطاني كتب من تأليفه !
-وحضرتك هتقعد تقرأ الكتب دي ؟
- أقرأ إيه يا أبو مخ كاوتش هو أنا فاضي للكلام ده !
- حضرتك شايف إن نظرية المؤامرة كلام فاضي ؟
- شوف يا حامد ويمكن بعدين تفهم الكلام ده وأكون أنا مش موجود معاك أنا رأيي إن نظرية المؤامرة ليست كلها أوهام وليست كلها حقائق !
-يعني إيه مش فاهم
-وإنت إمتى فهمتني يا بو مخ كاوتش ههههه
-أقصد إن القوى الغربية مصلحتها إن الشرق الأوسط يفضل سوق سلاح وسوق استهلاك وأفريقيا تفضل مصدر مواد خام فقط وليس أكثر فهمت ؟
-أهو كده بدأت أفهم
-طب قوم إعمل لي شاي
- ممكن أخد الكتب دي أقرأها ؟
-خدها وفي كمان فيلم وثائقي عن بئر زمزم خده شوفه هيعجبك
—————————— تمت ——————————
تعليقات
إرسال تعليق