إتكلمي
مجموعتي الرابعة (تلاتين سنة) بقلم د/ خالد الشريف النص التاسع و الخمسون بعد المائتين 259- ( إتكلمي )
كان محمد منير مع فرقة يحي خليل له طعم تاني صحيح يحي خليل لم يكن يلحن كان بمثابة المايسترو أو الموزع الموسيقي ؛
قدم معه عدة ألبومات أبرزها إتكلمي : الأغنية التي كان يكلم فيها منير مصر بيقول لها:
وليه تسكتي
الزمن اتكلمي ليه تدفعي وحدك التمن اتكلمي
وتنامي ليه تحت الليالي اتكلمي والمشربية لون عيونك بتحكي على خلق ولت سهرت وصلت
وعلت في الصخر شقت ما كلت أنا ابن كل اللي
صانك رمسيس وأحمس ومينا كل اللي زرعوا في وادينا !
أول مرة أسمع الأغنية دي حسيت بحالة وجدانية مختلفة قشعريرة في جسمي فسحر الكلمات وصبغة منير الجميلة كانت مميزة له عمن سواه ؛ حدث لي ارتباك هو بيتكلم عن مصر ولا عن حبيبته طب ما حبيبته ممكن تكون مصر؟!
؛ يبقى ذكي
بيضرب عصفورين بحجر واحد بس لازم تحسها إنت من الأغنية يعني الكلمات هي اللي تحسسك بأن
الأغنية لمصر وليست للحبيبة أو المعشوقة ، أنا بأقول الكلام ده ليه؟
عشان الهضبة لما غنى يا عمرنا ياقلبنا أنا ليا مين غيرك ! قال أنا باعتبر الأغنية دي أغنية وطنية قصده عن مصر لكن أنا لم أشعر بصدقه في هذه الكلمة
هو كان يرد على انتقادات شديدة وجهت له بسبب قلة أو ندرة أغانيه الوطنية
؛ لكن مع منير تحس بصدق إذا كان يخاطب مصر فعلا
ولا لأ وكان معاه كلمات عبد الرحيم منصور ، وألحان أحمد منيب تلك الجوهرة النوبية الجميلة التي فقدناها سنة
1990
___________________تمت_______________
https://elmeezan.com/%D8%B4%D8%B1%D9%8A%D8%B7-%D8%A7%D8%AA%D9%83%D9%84%D9%85%D9%8A-%D9%85%D8%AD%D9%85%D8%AF-%D9%85%D9%86%D9%8A%D8%B1-%D9%87%D9%84-%D8%A7%D9%86%D8%AA%D8%B5%D8%B1-%D8%A7%D9%84%D9%81%D8%B1%D8%AF/
ردحذف